കവിതയുടെ സ്വന്തം കവി
നിന്‍ വിരല്‍ത്തുമ്പില്‍ വിരിയുന്നു സംഗീതം
നിന്‍ മന്ദഹാസത്തില്‍ വിടരുന്നു പൂക്കള്‍
നിന്‍ ചൊടികളില്‍ കളിയാടുന്നു വണ്ടുകള്‍
നിന്‍ മര്‍മ്മരത്തില്‍ നിറയുന്നു പ്രണയം
നിന്‍ വശ്യനോട്ടത്തില്‍ മയങ്ങുന്നു മാനസം
നിന്‍ പദനര്‍ത്തനം നല്‍കുന്നു ലാസ്യത
നിന്നില്‍ നിറയുന്ന മഞ്ഞിന്‍കണികകള്‍
കണ്ണില്‍ നിറയ്ക്കുന്നു ശീതളസ്പര്‍ശം
എന്നിലെ ഭാവനയുടെ വര്‍ണങ്ങളില്‍ നീ
എന്നെ പുണരുന്ന കവിതയായ് മാറുന്നു
നിന്‍ സുഖലാളന സൗകുമാര്യങ്ങളില്‍
എന്നിന്ദ്രിയങ്ങളില്‍ നിര്‍വൃതി ചാര്‍ത്തുന്നു
ശശീന്ദ്രന്‍ പുത്തൂര്‍
No comments:
Post a Comment